බස් තොරොම්බල් වලට හොඳ කලක්

මෝටර් රථ පනතේ විධිවිධාන ප්රකාරව නිකුත් කරනු ලබන නියෝගයට අනුගතව මෝටර් රථ ප්රවාහන කොමසාරිස් ජනරාල්වරයාගේ පූර්ව අනුමැතිය සහිතව වාහන වල නිර්මාණය (Design) වෙනස් කිරීම සහ වාහන විකරණය (Modification) කිරීම සිදු කළ හැකිය.
ඒ අනුව, 1983 වසරේදී ප්රකාශයට පත් කරන ලද මෝටර් වාහන (තැනීම්) නියෝග වරින්වර සංශෝධනය කරමින්, වාහන විකරණය කළ හැකි ආකාරය සම්බන්ධයෙන් රෙගුලාසි ගැසට් නිවේදන මඟින් ප්රකාශයට පත් කර තිබේ.
එහෙත්, පසුගිය කාලයේදී එවැනි නියෝග මඟින් ප්රකාශිත වාහන උපාංග සවි කිරීම් සහ නිර්මාණය වෙනස් කිරීම් වලට අමතරව, මෝටර් රථ ප්රවාහන දෙපාර්තමේන්තුව විසින් අභ්යන්තර ක්රම වේද ඔස්සේ බස් රථ සැරසිලි සහ උපාංග විකරණය සඳහා මාර්ගෝපදේශ සංග්රහයක් සකස් කර අභ්යන්තර චක්රලේඛයක් ද නිකුත් කරනු ලැබ ඇත.
එහෙත්, ඊට අදාළව මෝටර් රථ පනතේ විධිවිධාන පරිදි අදාළ නියෝග ප්රකාශයට පත් කිරීමක් සිදු කර නොමැත.