පෙම්වතියට බියර් පොවා නිරුවත් ඡයාරූප ගෙන වට්සැප් දාලා
සිය ප්‍රේමවන්ති ය ලැගුම්හලකට රැගෙන ගොස් බීර පානය කිරීමට සලස්වා නිරුවත් ඡායාරූප ලබාගෙන ඒවා වට්ස්ස්ඇප් ඔස්සේ හුවමාරු කිරීමේ සිද්ධියකට අදාළව අත්අඩංගුවට ගත් තරුණයකු මොරවක මහෙස්ත්‍රාත් අධිකරණයට ඉදිරිපත් කිරීමෙන් පසු අද (01දා) දක්වා රක්‍ෂිත බන්ධනාගාරගත කෙරුණු බව ඌරු බොක්ක පොලිසිය පවසයි.
මෙම සිද්ධියට මුහුණපා ඇත්තේ මාතර, ඌරු බොක්ක ප්‍රදේශයේ පදිංචි 18 හැවිරිදි තරුණියකි.
21 හැවිරිදි සැකකරු ද එම ප්‍රදේශයේම පදිංචි අයෙකි.
අදාළ තරුණිය සැකකාර තරුණයා සමග කාලයක් ප්‍රේම සම්බන්ධයක් පවත්වා ගෙන ගොස් තිබේ. පසුව ඔවුන් දෙදෙනාගේ කැමැත්ත මත එම සම්බන්ධය නතර කර දමා තිබේ.
ඔවුන් මෙම ප්‍රේම සම්බන්ධය නතර කළ ද දුරකථන මාර්ග ඔස්සේ නිතර කතාබහ කර තිබේ.
මෙවැනි පසුබිමක සැකකාර තරුණයා යළි සිය ප්‍රේමවන්තිය මුණගැසීමට අවශ්‍ය බව පවසා ඇය හමු වීමට පසුගිය 26 වැනිදා මිතුරකුගේ ත්‍රිරෝද රථයකින් ගොස් තිබේ.
අනතුරුව ඔවුන් දෙදෙනා ඌරු බොක්ක ප්‍රදේශයේ ලැගුම්හලකට ගොස් එහි කාමරයක් කුලියට ගෙන තිබේ. එහිදී එම තරුණයා විසින් තරුණියට බීර පානය කිරීමට සලස්වා තිබේ. තරුණිය මත් කිරීමෙන් පසු තරුණයා ඇගේ නිරුවත් ඡායාරූප ලබාගෙන තිබේ. පසුව තරුණයා එම ඡායාරූප තම මිතුරකු වෙතට යොමුකර ඇතැයි හෙළි වූ බවද පොලිසිය පවසයි.
මෙම තරුණිය අදාළ තරුණයා සමග කැමැත්තෙන් ගොස් ඇතැයි හෙළි වූ බවද පොලිසිය පවසයි.
තරුණිය වෛද්‍ය පරීක්ෂණයක් සඳහා යොමු කළ බවද පොලිසිය කියයි.
ඌරු බොක්ක පොලිසියේ ස්ථානාධිපති ප්‍රධාන පොලිස් පරීක්‍ෂක පල්ලියගුරුගේ මහතාගේ උපදෙස් මත වැඩිදුර පරීක්ෂණ පැවැත්වේ.
