NEWS

PCR පරීක්ෂණවලට සහභාගී වීම ඇතැම් මුස්ලිම් ජනතාව ප්‍රතික්ෂේප කිරීම නිසා PHI වරුන් අමාරුවේ

බණ්ඩාරගම අටළුගම ප්‍රදේශයේ මුස්ලිම් ජනතාව කොරෝනා පරීක්ෂණ සඳහා ඉදිරිපත් නොවීම නිසා දැඩි අර්බුදකාරී තත්ත්වයක් හටගෙන ඇතැයි බණ්ඩාරගම ප‍්‍රාදේශීය සභාවේ සභාපතිවරයා සඳහන් කරයි.

මේ වනවිටත් හුදෙකලා කර ඇති ග්‍රාම නිලධාරී වසම්වල වැඩි පිරිසක් මුස්ලිම් ජනතාව බවද ඔවුන් කොරෝනා පරීක්ෂණවලට ඉදිරිපත් නොවන බවද සභාපති දේවේන්ද්‍ර පෙරේරා මහතා පැවසීය.

එම ප්‍රදේශයේ මුස්ලිම් ජනතාව කොරෝනා පරීක්ෂණවලට ඉදිරිපත් නොවීම නිසා ආරක්ෂක සහ සෞඛ්‍ය අංශ මේ වනවිට දැඩි අර්බුදයකට පත්ව ඇතැයිද ඒ මහතා කියා සිටියේය.

එනිසා එම ප්‍රදේශයේ මුස්ලිම් නායකයන් තම සහෝදර ජනතාව කොරෝනා පරීක්ෂණ සඳහා යොමු කරන්නැයි ඉල්ලා සිටින බවද සභාපතිවරයා සඳහන් කළේය.

මේ තත්ත්වය දිගින් දිගටම පැවතිහොත් වසංගතය අටළුගමට ගමට පමණක් නොව රටටම වසංගතයක් විය හැකි යැයි ද ඔහු තවදුරටත් අනතුරු ඇඟවීය.

Leave a Reply

Your email address will not be published.