ශ්‍රී ලංකා ක්‍රිකට් කණ්ඩායම ගැන තවත් ආන්දෝලනාත්මක කතාවක් එළියට!
මාධ්‍යවේදියෙකු සහ ලේඛකයෙකු වන නුවන් ගම්මම්පිල විසින් මෙවර ක්‍රිකට් ලෝක කුසලානයට සහභාගී වූ ශ්‍රී ලංකා කණ්ඩායමේ ඇතැම් ක්‍රීඩකයින් සම්බන්ධයෙන් ආන්දෝලනාත්මක සටහනක් තබා තිබෙනවා.
ඒ, “දෙබරෙට ගල්” යන ශීර්ෂය යටතේයි.
එම සටහන පහතින්.
“ප්‍රශ්නය 01 – ශ්‍රීලංකාව සහ නෙදර්ලන්තය අතර පැවති තරගයට පෙර දින මැදියම ආසන්නයේ ලක්නව් වල ආපනශාලාවක සිටි ක්‍රීඩකයන් කවුද ?
ඔවුන් නෙදර්ලන්ත තරගයේදී දැක්වූ දක්ෂතා මොනවාද ?
සාක්ෂි 01 – අදාල ආපනශාලාවට ඒ මොහොතේ යනව මේ රටේ මාධ්‍යවේදීයෙක්. ඒ මාධ්‍යවේදීයා අදාල ක්‍රීඩකයන් ගෙන් අහනව ඇයි ඔයාල මැච් එකට කලින් දා රෑ මෙතන කියල . ක්‍රීඩකයන් කියනව කන්න ආව කියල . මාධ්‍යවේදිය අහනව ඔයාලගෙ හෝටලේ කන්න නැද්ද කියල
ප්‍රශ්නය 02 – තමා රැදීසිටින මුම්බායි හෝටලයට එන්නේ නම් ඉන්දියානු ශ්‍රිලංකා තරගෙයේ ටිකට් පත් ලබාදෙන බවට සදහන් කරමින් මෙරට තරුණියන්ට කෙටි පණිවිඩ එවූ ක්‍රිඩකයා කවුද ?
සාක්ෂි 02 – අදාල සිදුවීම ආරංචිවෙන මාධ්‍යවේදියෙක් එම ක්‍රීඩකයාගේ අම්මට කතාකරල කියනව මේ වැඩේ නවත්තන්න කියන්න කියල .
ප.ලි –
01 පැරදුනාම අනං මනං හොයනව කියල කෙනෙක් හිතනව නම් , ඔව් ඒ නිසා තමයි හොයන්නෙ
02 ක්‍රිකට් බෝඩ් , icc , ආණ්ඩුව මොනව කලා කිව්ව්ත් ගහන්න ගියපු එවුන් හරියට ගහන්න ඕන.
එච්චරයි
ස්තුතිය – අතේ සල්ලි වලින් තරග වාර්තා කරන්න ගිහින් මලවිකාර දැකල ඒව බලාඉන්න බැරිකමට කතාකරල කියන මාධ්‍යවේදී හිතවතුන්ට.
– නුවන් ගම්මම්පිල”
