NEWS

දකුණු ආසියාවේ විශාලතම ටයර් කර්මාන්ත ශාලාව ජනපති අතින් විවෘත වේ

දකුණු ආසියාවේ විශාලතම ටයර් සහ රේඩියේටර් ටයර් නිෂ්පාදන කර්මාන්ත ශාලාව ජනාධිපති ගෝඨාභය රාජපක්‍ෂ මහතා අතින් අද පස්වරුවේ විවෘත කෙරුණා. හොරණ, වගවත්ත ආයෝජන මණ්ඩල කාර්මික කලාපයට අයත් අක්කර 155 ක භූමියක මෙම කර්මාන්ත ශාලාව ඉදිකර තිබෙනවා.

පළමු අදියර යටතේ ඒ සදහා ආයෝජනය කර ඇති මුදල අමෙරිකානු ඩොලර් මිලියන සියයක්. යුරෝපා තාක්‍ෂණය සහිත ලොව නවීනතම යන්ත්‍රෝපකරණවලින් මෙම ටයර් කර්මාන්ත ශාලාව සමන්විතයි. මෝටර් රථ, යතුරු පැදි, ති‍්‍රරෝද රථ ඇතුළු ලෝක වෙළදපොලට අවශ්‍ය ටයර් වර්ග මෙහි නිෂ්පාදනය කිරීමටයි සැලසුම් කර ඇත්තේ.

ඒ අනුව එම නිෂ්පාදනයෙන් සියයට 80 ක් අපනයනය කෙරෙන අතර ඉතිරි සියයට විස්ස දේශීය වෙළදපොළට සැපයීමට නියමිතයි. ප‍්‍රථම නිෂ්පාදන තොගය අමෙරිකාවට අපනයනය කිරීමටයි සැලසුම් කර ඇත්තේ. මෙම නව ටයර් කර්මාන්ත ශාලාව හරහා මෙරට අපනයන වෙළදපොළ ප‍්‍රවර්ධනය, ඍජු හා වක‍්‍ර රැකියා විශාල ප‍්‍රමාණයක් උත්පාදනය වන බවයි ජනාධිපති මාධ්‍ය අංශය පැවසුවේ.

Leave a Reply

Your email address will not be published. Required fields are marked *